افضل اماكن الفسحه والخروج فى القاهرة

Fatakat

عضو مميز
سيرك مونت كارلو====circus montecarlo





من أشهر السيرك اللى موجود حول العالم ومستمر فى القاهره حتى 15 نوفمبر
يقدم السيرك لاول مره فى مصر تجربة أطلاق الأنسان من المدفع
ده طبعا غير بروجرام كبير مليان حاجات تانيه زى :

الاسود والنمور والمهرجين والحاجات اللى بتبقى موجوده فى السيرك دى
أسعار التذاكر : 60, 90 , 120 , 150
مدة العرض ساعتان
المواعيد فى العيد : 4 ، 7 ، 10 مساء
فى الايام العاديه حفلتين فقط : 5:30 ، 8:30 مساء
العوان : نادى بانوراما 6 أكتوبر – طريق صلاح سالم


مطعم كردان - ((التجمع الخامس))



و بتحب الاكلات الشرقيه يبقى مطعم كردان
لو بتحتب الجو الشرقى يبقى مطعم كردانمطعم كردان بيتميز بالطابع الشرقى فى كل حاجه من اول القعدات والطرابيزات مرورا بالاطباق …..
حتى رائحة المكان بتفوح منها البخور الشرقى الجميل
نيجى بقى للاطباق عنده ..
كانت عندنا حيره كبيره جدا لاختيار الاصناف من كتر تنوعها وجمالها لكن هنقول على اللى جربناه أكتر حاجه مميزه جدا عندهم الريش بصوص كردان المميز والفته بالموزه حكايه
والشوايه اللى فيها أكثر من نوع مشويات زى السمان والكفته والكباب والفراخ والريش
والسجق الشرقى والملوخيه وورق العنب كله كله احلى من بعضه
حتى الشاى بالنعناع ليه طعم مختلف
وجربنا الارز باللبن الحلو عمرك ما هتدوق زى طعمه فى اى حته تانيه
اجمالا الاكل حلو والجو حلو وفى مكان للعب الاطفال
مواعيد العمل من 1 ظهرا الى منتصف الليل
لا يوجد حد أدنى للطلبات
وهو فرع وحيد فى التجمع الخامس فقط وملوش اى فروع تانيه فى مصر
العنوان : الحى الثاني، داخل هوت سبوت مول، الدور الأرضي
التجمع الخامس ، القاهرة الجديدة


-=( جزيرة المعادى )=-





وهي على كورنيش المعادي
وبالتحديد أمام مستشفى القوات المسلحة و المحكمة الدستورية العلي
وسعر تذكرة الدخول حوالي 10 جنيه ،

فالجزيرة تتوسط أجمل منطقة فى ” نيل المعادى”
هي تتكون من مجموعة جزر صغيرة يصل بينها جسور صغيرة،
وبها بحيرات صناعية
والجدير بالذكر أن الوقت يمر سريعا على الجزيرة لكثرة الأنشطة التى يمكن القيام بها،
مثل “ركوب العجل، صيد السمك، التمشية بين الجسور الخشبية التى تربط أجزاءها،
بالإضافة لقضاء وقت ممتع فى أحد المطاعم أو الكافيتريات
المتواجدة فى قلب الجزيرة وأسعارها مناسبة و يوجد ايضا بالجزيرة
مركب للتجول حول الجزيرة بـ 10 جنيهات للفرد
ده بالإضافة إلى منطقة ألعاب الأطفال المفتوحة

اميرالد امباير … Emerald Empire






هو أحد مولات التجمع وفي مكان ممتاز
يضم العديد من المطاعم والكافيهات
وهو مؤهل لأن يكون أكبر مجمع للمطاعم food court في مصر
ويقع في منطقة مميزة في التجمع الأولفهو يشمل :
– كافيه مور
– بانشينيلو
– بلان بيي لاونج
– الدكان
– فا بن
– كوفي شوب كمبني
– فينا كافيه
– تابل 55
– إنستين
– سفن جراند
– أندريا
– ماكدونالدز
– باتشينوز
– ونيرولد
– لى كير
– ماتيجو
– كوفي بيانيري
– جراند رويال
– مندرين قويدر
– كورتيتجانو
– باسكوتشي
– باب توما
– لولو
– مامز كافيه
– كافيه سوبريم
– شيز إيدي


مطعم وكافيه سيدى على (6 أكتوبر)






يتميز سيدى على بالاطباق المغربيه واللى مش موجوده عندنا هنا كتير مش بس كده ده كمان فى كتير جدا من الاصناف الشرقيه والبيتزا
وفى ميزه تانيه كمان جميله جدا ان الديكور جوه شرقى لاجمل درجه وفى مكان للجلوس بره فى الهواء ودى فى الصيف او فى اليومين اللى احنا فيهم دول بتبقى ميزه كبيره اوى لاننا كلنا عارفين جو أكتوبر وفى منطقه للاطفال
نيجى بقى لاهم الاطباق والطلبات اللى عندهم واللى احنا بننصح بيها عن تجربه
1- الطبق الرئيسى اللى هو طاجين اللحم بالبربوق وطبعا الطاجين المغربى غنى عن التعريف
2-بيتزا الشيش طاووق وده اللى مش هتلاقيها فى مكان تانى
3-خلصت أكلك بقى اشرب احلى شاى مغربى او الهوت سيدر عندهم تحفه مع الشيشه المكس فواكه
وفى عندهم وجبة أفطار من 9 صباحا الى 12 صباحا
لا يوجد حد أدنى للطلبات
والمواعيد من 9 صباحا الى 1 صباحا طوال ايام الاسبوع
العنوان :7 عمارات سوليمار –المحور المركزى -6 أكتوبر (بعد ميدان ماجده الصباحى ) بجوار كوك دوور


حديقة الازهر بارك .. Azhar Park





العنوان :
طريق صلاح سالم – الدراسة
الازهر, القاهرة
بجوار قلعة صلاح الدين
مواعيد الحديقة :
حديقة الازهر مواعيد الدخول أيام : الخميس – الجمعة – السبت – الأحد
من الساعة 9 صباحا – 11 مساءا
حديقة الازهر مواعيد الدخول أيام : الاثنين – الثلاثاء – الأربعاء
من الساعة 9 صباحا – 10 مساءا
أسعار تذاكر حديقة الازهر :
فى الايام العادية
أسعار تذاكر حديقة الازهر 5 جنية للفرد
أسعار تذاكر حديقة الازهر 2.5 جنية للطفل
فى العطلات الرسمية
أسعار تذاكر حديقة الازهر 7 جنية للفرد
أسعار تذاكر حديقة الازهر 3.5 جنية للطفل


نادي سولارس … Solaris Ladies Club .. (للسيدات فقط) :






العنوان :
القطعة 7 – بلوك هـ – – مركز الخدمات
التجمع الاول , القاهرة الجديدة, القاهرة
وبالتحديد بجوار قسم شرطة القاهرة الجديدة 2
سولاريس هو أول نادي اجتماعي للنساء فقط في مصر
فهو مختلف وجديد من نوعه حيث يحتوي على حمام سباحة كبير
ونادي صحي به صالة جيم وغرفة بخار وساونا وجاكوزي.
مكان النادي في التجمع الأول بالقاهرة الجديدة وله أكثر من نظام اشتراك،
حيث يمكنك الاشتراك بعضوية سنوية أو الدفع لقضاء يوم واحد.
اليوم يبدأ في النادي من الساعة 8 صباحًا حتى 8 مساءً طوال أيام الأسبوع
ماعدا الجمعة والسبت حيث يبدأ من الساعة 10 صباحًا حتى 8 مساءً.
والأسعار تبدأ من 150 جنيها في أيام الأسبوع
و250 جنيها في أيام الجمعة والسبت والعطلات الرسمية.
الأسعار تشمل استخدام حمام السباحة ووجبة مجانية بحد أقصى 50 جنيها
وأي طلبات زائدة يتحمل الفرد تكلفتها.
أما إذا كنت ترغب في استخدام صالة الجيم أو الاستمتاع بالساونا أو الجاكوزي
فيتم زيادة 25 جنيها إضافية


القرية الكونية.. (( كوزموس ))





و انت ظروفك مسمحتش انك تزور الاقصر واسوان وتشوف المعابد الفرعونية
والسد العالى وتزور مصر بمعالمها من اسكندرية لاسوان وشرم الشيخ وتلف نهر النيل كله ..
ممكن جدا تروح مكان واحد تشوف فيه كل دا فى يوم واحد على مساحه 190 فدان ..
المكان دا هو القريه الكونيه (كوزموس) او يطلق عليها Little Egypt .
القرية الكونية..
العنوان : هى فى مدينة السادس من اكتوبر خلف حى الاشجار
على طريق الفيوم الواحات بجوار مشروع ابنى بيتك
(للاسف لا يوجد لها وسائل مواصلات نهائى ولازم مواصلة خاصة )
ودا العنوان التفصيلى بتاع القرية ومافيش لها اى طريق اخر او عنوان اخر .
تنقسم القرية الى ثلاثة اقسام وهى :
====================
القسم العلمى : ويضم القبة السماوية بعروضها الممتازة والمبهرة الضخمة
لعالم الفضاء والكواكب والنجوم ومجسم ضخم للكرة الارضية
بمجسم حى لقارات العالم بحيث انك عند اختيارك دولة فى اى قارة
من خلال الضغط على الزر تضيئ على الخريطة المجسمة فى القارة الخاصة بها وهكذا .
والقسم التاريخى : وهو عبارة عن محاكاه لمصر من خلال نماذج طبق الاصل
لاهم معالم مصر التاريخية بترتيب المحافظات بداية من اسكندرية ونموذج كبير لقلعة قايتباى
ومرورا بالدلتا ثم قلعه صلاح الدين فى القاهره واهرامات الجيزه وابو الهول وسقاره
ومقابر بنى حسن بالمنيا وابيدوس فى سوهاج والدير البحرى ومعبدى الاقصر
والكرنك فى الاقصر ومعابد ادفو وكوم امبو وفيله باسوان وانتهاء بالسد العالى .
ثم نموذج السفارى وانتهاءا بالبحر الاحمر .
ويضم هذا القسم معابد فرعونية طبق الاصل لما هو عليه فى محافظاتها
مصغرة بنسبة 1 الى 7 بمعنى ان لو مثلا حجم المعبد الاصلى 7 فدان
يكون نموذجه فى القرية الكونيه على مساحة فدان واحد .. وهكذا .
وتمر فى تلك المرحلة على كل هذه المعالم من خلال نموذج لنهر النيل
بترتيب محافظاته وانت تركب يخت مكيف وبه شرح لكل محافظة وكل اثر .
والقسم الترفيهى وهو عبارة عن :
=====================
١- الكهوف المائية والمغارة من خلال مركب مطاطى يمر بمغارة مظلمة
مثل بيت الرعب وبه نماذج للانسان البدائى وحيوانات ما قبل ظهور الانسان
من ديناصورات متحركة وعقارب وتماسيح مع شرح بسيط لحياه الكهوف .
٢- سباق السيارات من خلال استقلال سيارة سباق
والمشى على تراك سباق بين المعابد الفرعونية .
٣- كراسى وشماسى على ضفاف مجسم رائع للبحر الاحمر بمدنه الساحلية
من شرم الشيخ ودهب وخليجى السويس والعقبة
ويمكنك استقلال بدال مائى وتقوم بقيادته مع ارتداء جاكيت الامان
وكذلك يمكنك الصيد من اسماك متنوعة وكبيرة تملأ البحر
وانت تجلس على كورنيش البحر الاحمر بين مجموعة سلال جبال البحر الاحمر
وكل هذه نماذج وكلها كبيرة جدا .
كذلك يمكنك الاستمتاع بالقرية من خلال التجول بالطفطف داخل القرية
او الجلوس على البلاج او الجلوس فى احد الكافتيريات المنتشرة داخل القرية .
ثمن دخول القرية :
===========
بالنسبة للاسر والمجموعات العادية 50 جنيه للفرد لقضاء يوم بالقرية
سواء كان كبير او صغير والاطفال اقل من 6 سنوات مجانا .
وهذا السعر لا يخفض ولا حتى للمجموعات الكبيرة جدا هو سعر حكومى ثابت .
وهذا السعر يشمل جميع الخدمات بالقرية بداية بدخول القبة السماوية والرحلة النهرية
والالعاب الترفيهية والمغارة ودخول المزارات والبانوراما والكره الارضية
والاستمتاع بالبحر مع مرافقة مرشد .
مواعيد العمل بالقرية :
============
يوميا من الساعه 9 صباحا وحتى 3 مساءا
ماعدا الجمعة من كل اسبوع والعطلات الرسمية اجازة
بالنسبة لارقام تليفونات القرية للتواصل
هى لسه لم يتم تخصيص ارقام هواتف ارضية لها حتى الان ..
حضرتك بتروح فى مواعيد القرية ال سبق واعلنا عنها فوق وبتقطع التكت
وبتنضم لمجموعة وتتابع برنامج رحلتك
 
أعلى